TPS pou Ayisyen: Enfòmasyon Enpòtan Ou Dwe Konnen

Kisa TPS ye?

TPS (Temporary Protected Status) se yon pwogram ke gouvènman ameriken an mete an plas pou pwoteje imigran ki soti nan peyi ki gen gwo pwoblèm, tankou konfli grav oswa dezas natirèl. TPS pèmèt moun sa yo viv ak travay Ozetazini pou yon tan limite san yo pa pè ekspilsyon.

Peyi Ki Gen TPS

Plizyè peyi kalifye pou TPS akòz sitiyasyon difisil yo. Men kèk nan peyi sa yo:

Ayiti
El Salvador
Honduras
Nepal
Nikaragwa
Somali
Sid Soudan
Soudan
Siri
Venezyela
Yemen

Peryòd Enskripsyon ak Reyenskri pou TPS

Chak peryòd TPS gen dat espesifik kote moun ki kalifye yo dwe aplike oswa reyenskri. Li enpòtan anpil pou w respekte dat sa yo pou asire akseptans aplikasyon w lan.

Nouvo Peryòd Enskripsyon pou Ayiti

Pou Ayiti, nouvo peryòd enskripsyon an kòmanse 1 Jiyè epi fini 3 Fevriye 2026 pou moun ki ap aplike pou TPS pou la premye fwa. Sa vle di, si w se yon Ayisyen ki te ap viv Ozetazini anvan 3 Jwen 2024 epi ki ka pwouve ke yo viv nan peyi a kontinyèlman jiskaprezan, ou ka aplike pou TPS pandan peryòd sa a. Pou moun ki te gentan gen TPS deja ki ta swete renouvle TPS yo, peryòd re-anrejistrasyon an komanse 1 Jiyè 2024 jiska 30 Dawout 2024. Nouvo 18 mwa ekstansyon TPS sa pou Ayiti ap valid komanse 4 Dawout 2024 jiska 3 Fevriye 2026.

Kondisyon Pou Kalifye pou TPS

Pou kalifye pou TPS kòm yon sitwayen Ayisyen, ou dwe satisfè kondisyon sa yo:

Ou dwe yon sitwayen Ayisyen oswa yon moun san nasyonalite ki dènye rezidans li te Ayiti.
Ou dwe te prezan Ozetazini kontinyèlman depi anvan 3 Jwen 2024.
Ou dwe aplike pandan nouvo peryòd enskripsyon an (1 Jiyè 2024 pou 3 Fevriye 2026) pou moun ki ap aplike pou la premye fwa yo. Moun ki ap renouvle TPS yo dwe komanse aplike depi 1 Jiyè 2024 jiska 30 Dawout 2024.
Ou pa dwe gen okenn aksyon kriminèl sou rekòd ou ki ta diskalifye ou.

Kijan Pou Aplike Pou TPS

Pou aplike pou TPS, ou dwe ranpli fòm I-821 (Demann pou TPS). Si w vle jwenn pèmi travay, ou dwe ranpli fòm I-765 (Demann pou Otorizasyon Travay). Lèw kalifye pou TPS ou kalifye pou pèmi vwayaj fòm I-131 (Deman pou Otorizasyon vwayaj). Ou dwe bay dokiman tankou prèv idantite, prèv rezidans, ak prèv ke w te prezan Ozetazini depi anvan dat kalifikasyon an.

Nou la Pou Ede!

Pwosesis TPS la ka yon pwosesis konplike, men ou pa bezwen fè sa pou kont ou. Nou se espesyalis fòm USCIS ki pale Kreyòl epi ki gen anpil eksperyans travay ak moun tankou ou. Kontakte nou jodi a pou nou ka gide ou atravè chak etap pwosesis la epi asire w ke aplikasyon w lan byen ranpli. Pa rate opòtinite sa a! Rele nou oswa vizite sit entènèt nou an pou aprann plis epi pran randevou. Nou la pou fè lavi ou pi fasil!